O 8 de marzo é o día internacional das mulleres.

É unha data para reivindicar que as mulleres deben  participar na sociedade en igualdade de condicións cos homes.

Para celebrar o día recibimos no noso cole a Lorena, de profesión veterinaria e con un máster de especialización en cardioloxía. Lorena leva cinco anos traballando de cardióloga na clínica Xarope da Laracha. Antes traballou noutra clínica da Coruña e tamén fixo clínica de vacas e saneamento gandeiro ao mesmo tempo.

Como a PDI deste curso é ANIMALANDIA, Lorena falounos de animais e do seu coidado, o máis importante para unha veterinaria. Fixémoslle unha morea de preguntas e respondeu con detalle a todas.

GRACIÑAS LORENA!!