CLÍNICA BUCOEXPERT 

Hoxe tivemos unha visita moi especial na escola. Especialistas da Clínica Dental Bucoexpert de Cerceda explicáronnos como debemos cepillar os dentes correctamente, canto tempo hai que dedicar ao cepillado e a cantidade de pasta que debemos usar. Tamén vimos un vídeo moi interesante sobre a importancia de coidar a nosa saúde bucodental e de acudir ao dentista cando é necesario.

Despois fixemos unha parte práctica cun peluche moi divertido, que nos axudou a aprender mellor como cepillar os dentes. Ademais, tanto o alumnado como o profesorado participamos facendo preguntas para resolver todas as dúbidas.

E para rematar, tivemos unha sorpresa: agasalláronnos cun cepillo e unha pasta de dentes.

Moitas grazas a Clínica Bucoexpert por esta actividade tan interesante. Aprendemos moito e pasámolo xenial! 

 EXCURSIÓN ÁS BRAÑAS DE VALGA (MESÍA)

ALUMNADO DE INFANTIL E 1º CICLO DE PRIMARIA

O alumnado de infantil e primeiro ciclo de primaria foron ás Brañas de Valga no concello de Mesía para disfrutar da excursión de fin de curso. 

Participaron nun obradoiro de barro, aprenderon moitas cousas no museo e deron un paseíño ao redor do lago. 

Resultou unha mañá moi entretida para todos.

 EXCURSIÓN AO MUSEO DE HISTORIA NATURAL 

E A PUPPY PARK 

O alumnado do 2º e 3º ciclos de primaria viaxaron ata Santiago para disfrutar da excursión de fin de curso. Aprenderon no museo e divertíronse no parque de atraccións.

 VIAXE FIN DE ETAPA 6º PRIMARIA

Alumnado de 6º de primaria do noso cole e do CPI O Cruce disfrutan dunha viaxe a Braga en Portugal.