CONCURSO POSTAIS DE NADAL

Agradecemos ao alumnado e familias a participación voluntaria no xa tradicional concurso de postais de nadal. 

Damos os parabéns a Noa Lagares Baldomir de 6º de infantil e a súa familia, que deseñaron unha felicitación sinxela e xeitosa.

                 

VISITA DE PAPÁ NOEL

O xoves 18 recibimos a visita de PAPÁ NOEL. Entregou agasallos a toda a rapazada.

Graciñas ao concello pola actividade, especialmente as concelleiras Cristina Capelán e Catrina Queijo.

                  

FESTIVAL DE NADAL 2025/26

 UN NADAL DE CINE

Que teñen en común as películas  "Brancaneves", "O rei León", "Mary Poppins", "o Grinch", "Spirit", "Titanic", "el padrino", "a Guerra das Galaxias" ... e o festival de nadal do Celso Emilio Ferreiro? 

Cine e música xuntos para disfrutar, pasalo ben e celebrar entre todos e coas familias unha festa inesquecible, poñendo así o ramo ao primeiro trimestre.

                  

 25 DE NOVEMBRO

DÍA INTERNACIONAL DA ELIMINACIÓN DA VIOLENCIA CONTRA A MULLER

O martes 25 de novembro, montamos no vestíbulo do cole O NOSO CINE VIOLETA con un conxunto de consignas previamente elaboradas nas respectivas aulas de infantil e primaria. 

A nosa pretensión foi  lembrar que o  verdadeiramente importante é o respecto a todas e a todos.

               

 FESTA DO OUTON0

O xoves 30 de outubro, celebramos a xa tradicional festa do outono. Decoramos o cole coas cabazas que pintamos e tallamos na casa. Cada un trouxo castañas para que asara o castañeiro que nos mandou o concello. Mercamos chocolate para acompañar a merenda. Disfrazámonos. Xogamos no patio aos xogos que preparou o profe Quique. 

Pasámolo xenial como podedes ver no vídeo resumo:

O mércores 22 de outubro, alumnado de 5º de primaria do noso cole, e alumnado do CPI O Cruce, participaron nun encontro na Vía Verde. Foi dentro do programa "As Novas Xeracións da Vía Verde CTL", organizado pola asociación de concellos da Vía Verde Compostela-Tambre-Lengüelle en colaboración coa Deputación da Coruña; co obxectivo de coñecer este recurso do territorio.

Saíron da estación de Queixas-Londoño e facendo un percorrido pola antiga vía do tren, chegaron ata a estación de Cerceda-Queixas.

 

A rapazada de terceiro, cuarto, quinto e sexto de primaria, acompañados polos respectivos titores e por Suso, viaxaron ata o concello veciño da Laracha. Alí, no CEIP Ramón Otero Pedrayo, tiveron a oportunidade de participar nunha exhibición solidaria  da Garda Civil.

 

EXCURSIÓN DE FIN DE CURSO

Nun día moi caloroso, a rapazada do 2º e 3º ciclos de primaria viaxaron ata as Brañas de Valga no concello de Mesía. Alí, na Aula da Natureza e Centro de Interpretación de Brañas de Valga, coñeceron o proceso de extracción de arxila na antiga barreira, que agora está convertida nunha lagoa chea de vida animal. Participaron nun taller de barro e deixaron ben demostrado que a intelixencia artística está máis de moda que nunca no Celso Emilio.